今朝一起身睇到武漢封城，嚇到嚇醒左，所以就喺Yohomall同西鐵站之間天橋派下口罩，怕大家買唔切或唔記得戴口罩。大家買唔到口罩唔緊要，Yohomall同屋苑都會有口罩可以拎，過埋年後，我地都會喺社區派發區議會撥款買嘅口罩，盡量透過呢啲供應穩定價格穩定。
我會同唔同藥房、供應商聯絡，睇下過年後會唔會搞到一次團購口罩同洗手液。另外，聽朝我都會喺順豐大廈、昌威大廈向老人家派發啲清潔包，數量有限，送完即止。
肺炎肆虐，大家記住要戴口罩，同埋洗手！洗手！洗手！
（特別鳴謝：網友捐出嘅口罩🙇🏻♂️🙇🏻♂️🙇🏻♂️）